（轉）
平時睇得多人地報黑警d拿渣招，今日終於到我親自體驗了。
今日晚上8點，我身處覺士道同柯士甸道交界，目擊有警察響彌敦道衝入覺士道捉人，有一兩個示威者逃避不及被按倒在地。因為街燈昏暗，又有成幾十個警察圍住佢，我響對街既行人路上大叫 多次「唔好打」，警察雖然指住我，罵我同用強光照向我，但無特別行動。
但當被補人士大叫自己既名同身份証號碼後，我即時向被補人士重覆佢既資料，大量警察即時起鬨，唔想我地聽到被捕人士既資料，然後有兩位警察走過來，話我阻住佢地執行職務。
我一路響行人路上拍攝，兩名警員行過馬路嘗試叫我地向後行不成，男警員強行搶走我手上既電話，另一位女警員則開始講「你做咩呀你？你做咩呀你？」（言下之意即係想講我主動衝擊）然後推我地往大閘方向，大約有十幾名警員圍住我地喝罵。
最後因為有社工在場，所以警告後比我地離去。
以下係我重覆被捕人士資料後警察過來老屈加搶電話既片段，除左提醒大家小心之外，有無朋友可以講下係咪可以投訴？面對如此無理兼無限大既警權，我地又可以點制止？
Search